Kufiri Shqipëri-Kosovë regjistron 1.36 milionë lëvizje në korrik

TIRANË — Fluksi i lartë lidhet kryesisht me pushuesit nga Kosova, të cilët zgjedhin bregdetin shqiptar, por edhe me kthimin e emigrantëve nga diaspora kosovare, të cilët vijnë për të kaluar pushimet në vendlindje.

Në pikat e kalimit kufitar që lidhin Shqipërinë me Kosovën ka një fluks të lartë hyrjesh dhe daljesh në të dy drejtimet, në muajin korrik me mbi 1 milion e 360 mijë lëvizje qytetarësh.

Pjesa më e madhe e lëvizjeve është përqendruar në Morinë–Vërmicë, e cila mbetet porta kryesore lidhëse mes dy vendeve dhe një nga pikat më të ngarkuara gjatë sezonit turistik.

Burim: Shqiptarja — Redaksia ZHURMA