Përfundojnë punimet për efiçiencë energjetike në dy shkolla të Prishtinës

PRISHTINË — Para fillimit të vitit të ri shkollor, kanë përfunduar punimet për rritjen e efiçiencës së energjisë në shkollat e Mramorit dhe Grashticës në Prishtinë. Investimet përfshijnë punime në fasada, kulme dhe dritare, me qëllim përmirësimin e kushteve infrastrukturore për nxënësit dhe mësimdhënësit, si dhe rritjen e efiçiencës energjetike të objekteve shkollore. Lajmi u bë i ditur përmes një njoftimi të Drejtorisë së Arsimit në Prishtinë.