Peja përforcohet me Artisin: "Vjen për t'i dhënë dimension të ri"

Klubi i basketbollit Peja ka bërë një lëvizje të re në merkato, duke siguruar shërbimet e basketbollistit amerikan të natyralizuar të Kosovës, Dominic Artis. Ai luan në pozitën e organizatorit dhe ka përvojë të rëndësishme ndërkombëtare, pasi ka qenë pjesë e skuadrave në kampionate të ndryshme evropiane, përfshirë Francën, Italinë, Greqinë, Slloveninë dhe Turqinë.

Artis ka veshur fanellat e klubeve të njohura si Cholet Basket, SIG Strasbourg, Cedevita Olimpija dhe Igokea, ndërsa ka përfaqësuar edhe Përfaqësuesen e Kosovës. Peja e ka vlerësuar cilësitë dhe përvojën që Artis pritet t'i sjellë ekipit, duke deklaruar se ai vjen për t'i dhënë një dimension të ri skuadrës sonë.

Artis do të luajë menjëherë si lojtar vendor, duke debutuar kundër Sigal Prishtinës të shtunën në Karagaç.