Paris Saint-Germaini shënon katër gola për tetë minuta kundër Villarrealit
Kampioni i Evropës kalon në epërsi të thellë në Ligën e Kampionëve me katër gola të shpejta në Spanjë.
Redaksia ZHURMA · · 1 min lexim
Paris Saint-Germaini ka zhvilluar një paraqitje mbresëlënëse në udhëtim ndaj Villarrealit në Ligën e Kampionëve, duke realizuar katër herë brenda një hapësire kohore prej tetë minutash në fillim të takimit. Seria e golave nisi në minutën e nëntë, kur Joao Neves kaloi mysafirët në epërsi pas një pasimi nga Willian Pacho, ndërsa skuadra e drejtuar nga Luis Enrique paraqitet pa disa prej lojtarëve më të rëndësishëm për shkak të lëndimeve.
Epërsinë e parisienëve e dyfishoi Desire Doue në minutën e 12-të me një goditje nga skaji i zonës, pas një asistimi nga Maghnes Akliouche. Vetëm një minutë më vonë, në minutën e 13-të, Senny Mayulu shënoi për 0:3 me një goditje të fortë nga brenda zonës, kurse për rezultatin 0:4 u përkujdes Fabian Ruiz në minutën e 17-të pas një kombinimi tjetër me Akliouche.
Sipas të dhënave të publikuara, me këto katër gola të realizuara në 17 minutat e parë, PSG-ja ka vendosur një rekord të ri në Champions, duke kaluar rekordin e mëparshëm prej 20 minutash që e kishte vendosur Real Madridi në nëntor të vitit 2011 kundër Dinamo Zagrebit.
