Paris Jackson kërkon transferimin e 600 milionë dollarëve në fondin familjar

Një konflikt i ri financiar ka përfshirë trashëgiminë e legjendës së muzikës pop, Michael Jackson, pasi vajza e tij i është drejtuar gjykatës për të kërkuar transferimin e 600 milionë dollarëve në një fond familjar, në përfitim të saj dhe dy vëllezërve, Prince dhe Bigi. Sipas dokumenteve gjyqësore të paraqitura në Gjykatën e Lartë të Los Angeles-it, Paris Jackson pretendon se fondi nuk është financuar ende siç duhet, ndërsa akuzon administratorin John Branca se ushtron kontroll të tepruar mbi fondet dhe se ajo u përball me veprime ligjore pasi kundërshtoi mënyrën e administrimit.

Nga ana tjetër, përfaqësuesit e pasurisë i kanë hedhur poshtë pretendimet, duke argumentuar se fondet nuk mund të transferohen plotësisht për shkak të çështjeve ligjore dhe detyrimeve tatimore, duke përfshirë një mosmarrëveshje të mëparshme me autoritetet tatimore amerikane për rreth 700 milionë dollarë në taksa dhe penalitete, ndërkohë që theksojnë se më shumë se 200 milionë dollarë janë shpërndarë tashmë për fëmijët e këngëtarit. Përplasja ligjore pritet të rikthehet për shqyrtim në gjykatë gjatë muajit dhjetor.

Siç raportoi Zhurma më 14 tetor 2026, platformat Hulu dhe ESPN do të sjellin një film dokumentar për performancën e famshme të Michael Jacksonit në vitin 2027.