Një i vdekur dhe dy të lënduar nga aksidenti mes kamionit dhe veturës

SUHAREKË — Një person ka humbur jetën dhe dy të tjerë janë lënduar si pasojë e një aksidenti trafiku mes një kamioni dhe një veture. Më parë ishte raportuar për një vetëaksident pa të lënduar në Suharekë, por zhvillimet e reja nga Policia konfirmojnë se në ngjarjen e rëndë në autostradë janë përfshirë dy automjete.

Zëdhënësi i Policisë, Bajram Krasniqi, deklaroi për media se ngjarja ka ndodhur rreth orës 20:27, ndërsa në vendin e ngjarjes kanë intervenuar njësitë policore dhe ekipet mjekësore. Sipas ekipit mjekësor, një person është pa shenja jete, kurse dy të tjerë kanë pësuar lëndime dhe janë bartur për trajtim mjekësor.