Etrit Berisha dhe Ardian Ismajli janë krenaria e FC 2 Korrikut
Shaban Baholli rrëfen rrugëtimin e klubit në podcastin Arena e Yjeve.
Redaksia ZHURMA · · 1 min lexim
Drejtori i përgjithshëm i FC 2 Korrikut, Shaban Baholli, ka qenë i ftuar në episodin e fundit të podcastit “Arena e Yjeve”, ku ka folur për përvojën e tij më shumë se pesëdekadëshe në klub. Gjatë rrëfimit, ai ka ndarë detaje nga fillimet e tij si futbollist në vitin 1971 dhe angazhimi i sotëm në drejtimin e skuadrës.
Baholli ka veçuar Etrit Berishën dhe Ardian Ismajlin si dy nga emrat që përfaqësojnë më së miri punën e bërë në klub. Të dy futbollistët janë formuar te 2 Korriku, janë rritur në fushën e tij dhe janë larguar pasi kanë mbushur 18 vjet, për t'u bërë sot pjesë e Kombëtares së Shqipërisë.
Sipas tij, rrugëtimi i klubit është shoqëruar me sakrifica të mëdha, por vullneti ka qenë më i fortë se pengesat. Ai ka theksuar se shumë lojtarë që aktivizohen në Ligën e Kosovës dhe në Superligë e kanë nisur karrierën pikërisht në këtë skuadër.
