Nisin punimet për autostradën Bukojçan-Kërçovë

Janë nisur zyrtarisht punimet për autostradën në segmentin Bukojçan-Kërçovë, një zhvillim i përshëndetur nga zëvendëskryeministri i parë, Bekim Sali, i cili e ka cilësuar këtë si një hap konkret drejt materializimit të Korridorit VIII. Sipas tij, investimet infrastrukturore synojnë përmirësimin e lidhjeve rrugore, rritjen e sigurisë në udhëtime dhe krijimin e kushteve më të favorshme për ekonominë dhe investitorët.

Ky zhvillim vjen pasi ky projekt infrastrukturor ka kaluar nga fazat e planifikimit në ekzekutim në terren, duke u shndërruar në një nyjë strategjike që lidh vendin me rajonin. Qeveria vazhdon të rrisë kapitalin për rrugë më të mira dhe zhvillim ekonomik.