Nis ndërtimi i fushës së re për FC Prishtinën në Bërnicë
Federata e Futbollit e Kosovës ka nisur ndërtimin e një fushe të re futbolli në Bërnicë për FC Prishtinën, në kuadër të programit HatTrick të UEFA-s.
Redaksia ZHURMA · · 1 min lexim
PRISHTINË — Federata e Futbollit e Kosovës ka nisur punimet për ndërtimin e fushës së re të futbollit për FC Prishtinën në Bërnicë, projekt ky që realizohet në kuadër të programit HatTrick të UEFA-s.
Kryetari i FFK-së, Agim Ademi, ka njoftuar se ky investim ka për qëllim krijimin e kushteve më të mira për zhvillimin e futbollit, duke i shërbyer klubit për stërvitje, përgatitjen e skuadrës dhe zhvillimin e talenteve të reja. Sipas Ademit, krijimi i hapësirave të duhura për punë me gjeneratat e reja është hap i rëndësishëm drejt ngritjes së infrastrukturës sportive në vend.
Përmes një postimi në rrjetet sociale, kreu i FFK-së ka ndarë edhe pamje me video nga punimet aktuale në terren, duke theksuar se federata do të vazhdojë mbështetjen për projekte që përmirësojnë kushtet për futbollin kosovar.
