Pse u konstitua nënkomisioni për integritetin e informacionit publik?

TIRANË — Nën drejtimin e kryetares, Iris Luarasi, u zhvillua sot mbledhja e parë konstituuese e Nënkomisionit për Integritetin e Informacionit Publik, Dezinformimin dhe Ndërhyrjet e Huaja.

Ky nënkomision përbëhet nga Iris Luarasi kryetare, Agron Gjekmarkaj zëvendëskryetar dhe Ardit Bido, Arbjan Mazniku dhe Greta Bardeli anëtarë. Fushat e përgjegjësisë së nënkomisionit përfshijnë ndjekjen, analizimin dhe trajtimin e çështjeve që lidhen me ndërhyrjet e huaja, dezinformimin dhe manipulimin informativ.

Luarasi nënvizoi se në mbledhjen e ardhshme do të nisë puna për hartimin e programit të punës dhe kalendarin e veprimtarisë së nënkomisionit për periudhën 2026-2027, në përputhje me objektivat e strategjisë kombëtare kundër ndërhyrjeve të huaja dhe dezinformimit.

Burim: ATSH
— Redaksia ZHURMA