Pse është kthyer sërish ndotja në Liqenin e Badovcit?
Organizata 'Ta pastrojmë Kosovën' alarmon për gjendjen e rëndë mjedisore pranë digës dhe kërkon masa ndëshkuese e kontrolle nga institucionet shtetërore.
PRISHTINË — Organizata “Ta pastrojmë Kosovën” ka ngritur sërish shqetësimin për gjendjen e rëndë pranë digës së Liqenit të Badovcit, që është një nga burimet kryesore të ujit të pijshëm në vend. Sipas tyre, kjo zonë e rëndësishme mjedisore po shndërrohet vazhdimisht në një vendgrumbullim mbeturinash nga qytetarë të papërgjegjshëm.
Ndonëse më 22 mars, në Ditën Botërore të Ujit, aty u organizua një aksion i madh pastrimi me vullnetarë, media e institucione, situata sot vlerësohet alarmante. Organizata kërkon masa të menjëhershme, duke theksuar se vetëm aksionet vullnetare nuk mjaftojnë pa pasur një kontroll dhe ndëshkim të ashpër institucional.
Burim: Telegrafi
— Redaksia ZHURMA