Ndeshja Egnatia-Midtjylland zhvendoset nga Tirana në Elbasan Arena
UEFA vendos zhvendosjen e ndeshjes së Egnatias në Conference League për arsye sigurie nga protestat në Tiranë.
Redaksia ZHURMA · · 1 min lexim
ELBASAN — Ndeshja mes Egnatias dhe Midtjylland, e vlefshme për fazën e ligës të UEFA Conference League, është zhvendosur nga Tirana për t'u zhvilluar në stadiumin «Elbasan Arena». Vendimi është marrë nga UEFA për arsye sigurie, në kushtet e protestave që vijojnë këto ditë në kryeqytet.
Pavarësisht ndryshimit të stadiumit, takimi do të luhet në të njëjtën orë, në orën 18:45, ku kampionët e Shqipërisë do të nisin rrugëtimin e tyre historik dhe debutimin në këtë fazë të kompeticionit kundër skuadrës daneze. Klubi u ka bërë thirrje tifozëve për mbështetje, duke shpresuar që skuadra të ketë përkrahjen e tyre në këtë përballje të rëndësishme në arenën europiane.
