Avaria në gypin FI 300 lë pa ujë Skenderajn
KRU Mitrovica njoftoi se prishja ka ndodhur në gypin FI 300 që furnizon rezervuarin në Klinë të Ulët.
SKENDERAJ — Konsumatorët në Skenderaj kanë mbetur përkohësisht pa furnizim me ujë të pijshëm si pasojë e një defekti në rrjetin e ujësjellësit. KRU Mitrovica njoftoi se ndërprerja erdhi pas një avarie në gypin furnizues FI 300, i cili shërben për rezervuarin e Klinës së Ulët.
Sipas njoftimit zyrtar të kompanisë, furnizimi i rregullt do të rikthehet menjëherë pasi të përfundojë sanimi i plotë i këtij defekti. KRU Mitrovica ka falënderuar qytetarët për mirëkuptimin e treguar gjatë kohës që po punohet për mënjanimin e prishjes në gypin furnizues.
Burim: Sinjali
— Redaksia ZHURMA
