Shoferi pa patentë del nga rruga në Koçan — plagoset rëndë pasagjeri
Drejtonte makinën pa leje dhe nën ndikimin e alkoolit, thuhet MPB Maqedoni
Redaksia ZHURMA · · Përditësuar · 1 min lexim
KOÇAN — MPB Maqedoni njofton se dje (23.07.2026), rreth orës 03:30, në NJPB Koçan u njoftua se në rrugën rajonale Gërdovc–Zërnovc, 24-vjeçari D.N. nga fsh. Gradec, rrethina e Vinicës, duke drejtuar një automjet udhëtarësh "Opel" me targa të Vinicës, ka humbur kontrollin mbi automjetin dhe ka dalë jashtë rrugës.
Lëndime të rënda trupore ka pësuar bashkudhëtari S.S. (28) nga fsh. Jakimovë, rrethina e Vinicës, ndërsa lëndime trupore kanë pësuar drejtuesi i automjetit dhe bashkudhëtari D.A. (28) nga fsh. Istibanjë, rrethina e Vinicës.
MPB Maqedoni thotë se D.N. nuk posedonte patentë shoferi, ndërsa pas verifikimeve të kryera, është vërtetuar se ai ishte nën ndikimin e alkoolit, respektivisht se ka 1,69 promilë alkool në gjak. Me urdhër të prokurorit publik, D.N. është privuar nga liria dhe pas dokumentimit të plotë të rastit, ndaj tij do të parashtrohet kallëzim përkatës, thuhet nga MPB.
Burim: Tetova Sot, https://tetovasot.com/2026/07/ndalohet-nje-24-vjecar-qe-shkaktoi-aksident-trafiku-drejtonte-makinen-pa-leje-dhe-nen-ndikimin-e-alkoolit/
— Redaksia ZHURMA
