Ndahen çmimet në përmbyllje të garës European Defense Tech Hackathon
Janë ndarë çmimet për tri ekipet fituese pas tri ditë aktivitetesh në edicionin e parë të kësaj gare në Kosovë.
Redaksia ZHURMA · · 1 min lexim
Pas tri ditë aktivitetesh është përmbyllur gara ndërkombëtare «European Defense Tech Hackathon», e cila u mbajt për herë të parë në Kosovë. Kjo ngjarje është organizuar nën përkujdesjen e Ministrisë së Mbrojtjes, në bashkorganizim me Innovation Centre Kosovo dhe European Defense Tech Hub.
Ministri i Mbrojtjes, Ejup Maqedonci, ka falënderuar ekipet pjesëmarrëse dhe organizatorët për angazhimin gjatë tri ditëve të garës, duke theksuar se idetë dhe zgjidhjet e prezantuara dëshmojnë potencialin e të rinjve në teknologjinë e mbrojtjes. Maqedonci u shpreh se secili ekip që mori pjesë ishte fitues dhe se ishte kënaqësi të shihte nga afër projektet e paraqitura në këtë aktivitet.
Në përmbyllje të kësaj gare ndërkombëtare, e cila synon të lidhë teknologët, sektorin publik, investitorët dhe operatorët në fushën e mbrojtjes dhe përdorimit të dyfishtë, janë ndarë edhe çmimet zyrtare për tri ekipet më të suksesshme.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar



