Pse NATO pezullon thellimin e partneritetit me Serbinë?
Zëvendësndihmës-sekretari i NATO-s Kevin Hamilton kërkon drejtësi edhe për 90 pjesëtarët e KFOR-it të lënduar në Zveçan.
PRISHTINË — \1-ja do ta mbajë pezull thellimin e partneritetit me Serbinë nëse nuk ka llogaridhënie për sulmin në Banjskë. Kështu deklaroi zëvendësndihmës-sekretari i përgjithshëm i NATO-s, Kevin Hamilton, në një takim me gazetarë në Prishtinë.
Hamilton njoftoi se këtë mesazh ua ka përcjellë drejtpërdrejt udhëheqësve shtetërorë në Beograd. Përveç çështjes së Banjskës dhe kanalit të Ibër-Lepencit, zyrtari i NATO-s pret nga Serbia përgjegjësi dhe vendosje të drejtësisë edhe për lëndimin e mbi 90 pjesëtarëve të \1-it gjatë protestës së 29 majit 2023 në Zveçan.
"Ato incidente, sulmet ndaj personelit të KFOR-it, kanë qenë të papranueshme," tha Hamilton, duke shtuar se "topi është në fushën" e Serbisë. Ai theksoi se NATO-ja dëshiron marrëdhënie më të thella me Serbinë, por "ka aspekte të caktuara që nuk mund të ecin më tutje" pa llogaridhënie.
Hamilton paralajmëroi gjithashtu se Rusia po përdor dezinformimin në dëm të sigurisë së Kosovës, duke e quajtur këtë "pjesë e manualit të punës" të Moskës për të mbjellë përçarje në Ballkanin Perëndimor. Ai u bëri thirrje qytetarëve të jenë vigjilentë me atë që lexojnë.
Për anëtarësimin e Kosovës në NATO, Hamilton u shpreh se aleanca "funksionon mbi parimin e konsensusit" dhe "mbase nuk jemi në disponimin e duhur për të pranuar anëtarë të rinj", duke shtuar se fokusi aktual mbetet te bashkëpunimi praktik në terren.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.