Nafta shtrenjtohet 12 lekë, benzina 18 lekë
Pse çmimet po ngjiten pikërisht pasi qeveria ndërpreu Bordin e Transparencës mbi karburantet?
Redaksia ZHURMA · · Përditësuar · 1 min lexim
TIRANË — Çmimet e karburanteve në Shqipëri u shtrenjtuan sërish. Në pikat e shitjes në Tiranë, çmimi i naftës arriti në 188 lekë për litër, nga 176 lekë sa ishte në mesin e qershorit — një shtrenjtim prej 12 lekësh. Benzina u shtrenjtua në 184 lekë për litër, nga 166 lekë, pra 18 lekë më shumë.
Përshkallëzimi i konfliktit në Lindjen e Mesme ka rikthyer shqetësimet për furnizimin global me naftë, duke shtuar rrezikun në tregjet ndërkombëtare. Si pasojë, çmimi i naftës Brent Crude arriti sot në 76 USD për fuçi, nga 71 USD në fillim të javës.
Në mesin e qershorit, ministrja e Ekonomisë dhe Inovacionit, Delina Ibrahimaj, njoftoi vendimin e qeverisë për ndërprerjen e Bordit të Transparencës që monitoronte çmimet e karburanteve, me argumentin se çmimet kishin qenë në rënie për dy javë radhazi.
Burim: Report Tv
— Redaksia ZHURMA
