1.594 shkelje në 246 kontrolle të MPB-së për mjete me dy rrota

SHKUP — Ministria e Punëve të Brendshme e Maqedonisë ka realizuar 246 kontrolle dhe 58 aktivitete parandaluese në të gjithë territorin e shtetit, duke konstatuar gjithsej 1.594 shkelje nga drejtuesit e mjeteve me dy rrota.

Shumica e shkeljeve, 1.417, u kryen nga drejtues të biçikletave me motor ndihmës, mopedëve, motoçikletave, triçikletave dhe katërçikletave. Më së shpeshti u regjistrua mosmbajtja e helmetës mbrojtëse — 962 raste, ndjekur nga drejtimi nën ndikimin e alkoolit me 145 shkelje dhe drejtimi pa leje me 70. Nga këto masa, 41 motoçikleta u konfiskuan.

Trotinetat elektrike shënuan 174 shkelje. Më të zakonshmet ishin mos përdorimi i shtegjeve të dedikuara — 63 raste, heqja e duarve nga timoni ose përdorimi i pajisjeve elektronike — 17, lëvizja në sipërfaqe të ndaluara — 15, dhe drejtimi nga persona nën 14 vjeç — 14. Dhjetë drejtues u paralajmëruan me shkrim.

MPB njofton se do të vazhdojë kontrollet e intensifikuara dhe u bën thirrje pjesëmarrësve në trafik të respektojnë rregulloret për të ulur numrin e aksidenteve.

Burim: Telegrafi
— Redaksia ZHURMA