Moti i ftohtë dhe reshje shiu gjatë fundjavës, në male pritet borë

Instituti Hidrometeorologjik i Kosovës ka njoftuar se gjatë fundjavës vendi do të përfshihet nga mot kryesisht i vranët dhe i freskët, i shoqëruar me reshje shiu herë pas here. Gjatë ditës së shtunë parashihen vranësira dhe riga shiu, ndërsa në viset malore priten edhe reshje bore.

Sipas parashikimit të institucionit, temperaturat minimale do të lëvizin nga 1 deri në 4 gradë Celsius, kurse ato maksimale do të arrijnë nga 4 deri në 7 gradë Celsius. Për sa i përket erës, ajo do të fryjë nga drejtimi i veriperëndimit me shpejtësi prej 1 deri në 7 metra në sekondë.

Ndërkaq, dita e diel parashikohet të jetë më e ngrohtë, megjithëse kushtet atmosferike do të mbeten të paqëndrueshëm dhe do të ketë mundësi për reshje shiu.