I mitur gjendet i vdekur në Palabardh të Gjakovës

GJAKOVË — Një i mitur mashkull është gjetur pa shenja jete në fshatin Palabardh të Gjakovës rreth orës 18:00. Në përgjigje, Policia e Gjakovës aktivizoi menjëherë të gjitha njësitë relevante si dhe ekipin mjekësor në vendin e ngjarjes. Mjeku kujdestar ka konstatuar menjëherë vdekjen e viktimës në terren.

Zëdhënësja rajonale e Policisë në Gjakovë, Vlera Krasniqi, bëri të ditur se në koordinim me prokurorin është iniciuar procedura "Hetim i vdekjes" për zbardhjen e plotë të rrethanave. Hetimet paraprake do të përcaktojnë shkakun real të vdekjes dhe do të identifikojnë çdo element tjetër relevant për rastinë.

Burim: Gazeta Metro
— Redaksia ZHURMA