Ministria e Drejtësisë publikon bilancin e ndihmës juridike falas

Ministria e Drejtësisë ka bërë publike të dhënat e punës javore të Drejtorisë së Ndihmës Juridike Falas, ku përfshihen shërbimet e ofruara për qytetarët dhe pagesat për profesionistët e angazhuar. Gjatë kësaj periudhe, sipas të dhënave zyrtare, janë regjistruar fonde të likuiduara në vlerën 640.000 Lekë.

Ministri i Drejtësisë, Toni Gogu, u shpreh përmes një reagimi në rrjetet sociale se barazia ekonomike nuk duhet të jetë pengesë për mbrojtjen e të drejtave. «Përmes këshillimit ligjor falas, informimit dhe përfaqësimit në gjykatë, vijojmë të mbështesim qytetarët në njohjen, ushtrimin dhe mbrojtjen e të drejtave të tyre. Aksesi në drejtësi nuk është privilegj, por një e drejtë që duhet të garantohet në praktikë», u shpreh ai, duke vënë në dukje rëndësinë e shërbimeve ligjore pa pagesë për kategoritë në nevojë. Këto masa synojnë rritjen e aksesueshmërisë së sistemit të drejtësisë për të gjitha shtresat shoqërore përmes mbështetjes direkte financiare dhe procedurale.