Mendes: Gjenocidi po ndodh para syve tanë, vrasjet në Gaza duhet të ndalen

Këngëtari kanadez Shawn Mendes ka publikuar një mesazh në rrjetin social Instagram për të treguar mbështetjen e tij ndaj palestinezëve, duke kërkuar ndalimin e vrasjeve në Gaza. Ai e nisi reagimin e tij me fjalët «Liri për Palestinën», duke shtuar se situata aktuale përbën një gjenocid që po ndodh para syve të botës dhe se fëmijët e familjet atje kanë vuajtur gjatë.

Sipas artistit, ai është vetë-edukuar për të kuptuar më mirë se si mund të ndihmojë dhe ka ftuar ndjekësit e tij që të ndjekin të njëjtën rrugë. Gjatë këtij reagimi, ai ka ndarë organizatat të cilave u ka dhuruar fonde, ku përfshihen Fondi i Ndihmës për Fëmijët Palestinezë dhe Watermelon Pictures, ndërsa u ka bërë thirrje kolegëve të artit të përdorin zërat e tyre pavarësisht frikës.

Ky reagim i artistit kanadez erdhi vetëm një ditë pasi piloti i Formula 1, Lewis Hamilton, i cilësoi sulmet e Izraelit në Gaza si gjenocid, dhe disa javë pas largimit të Macklemore nga turneu i Ed Sheeran për shkak të mbështetjes së palestinezëve.