Mbi 130 mijë persona largohen çdo vit nga rajoni i Ballkanit
Organizata Ndërkombëtare për Bashkëpunim Ekonomik dhe Zhvillim raporton se mbi 130 mijë njerëz lënë Ballkanin çdo vit.
PRESHEVË — Më shumë se 130,000 njerëz largohen nga rajoni i Ballkanit çdo vit, sipas të dhënave të Organizatës Ndërkombëtare për Bashkëpunim Ekonomik dhe Zhvillim (OECD). Shifrat tregojnë se në periudhën nga viti 2019 deri në vitin 2023, më shumë se 660,000 persona u larguan nga Serbia, Kroacia, Mali i Zi dhe Bosnja dhe Hercegovina.
Vendi kryesor për sa i përket këtij fenomeni është Kroacia, e cila humbet rreth 47,000 banorë në vit, e ndjekur nga Serbia me mesatarisht 43,000 banorë. Të rinjtë nga rajoni theksojnë se arsyet e largimit lidhen me çrregullimin e sistemit, mungesën e organizimit të shoqërisë dhe kushtet e jetesës, duke kërkuar vende ku shërbimet publike dhe institucionet funksionojnë normalisht.
Burimet: BoldNews, Epoka e Re, Bota Sot, DW Shqip.
