Sa mbeturina gjenerojnë në Maqedoni?
Sipas Entit Shtetëror i Statistikave, një banor i Maqedonisë prodhon 417 kg mbeturina, ndërsa në deponi kanë 640 mijë tonë
— Enti Shtetëror i Statistikave ka bërë të ditur se një banor i Maqedonisë se Veriut vitin e kaluar ka prodhuar 417 kilogramë mbeturina. Sipas Entit, në vend janë gjeneruar 755,7 mijë tonë mbeturina, ndërsa në deponi kanë përfunduar pothuajse 640 mijë tonë mbeturina komunale. Edhe pse është prodhuar më pak mbeturina, ndërmarrjet komunale kanë grumbulluar më shumë mbeturina sesa një vit më parë ka njoftuar Enti.
Industria e Maqedonisë gjatë vitit 2024 ka gjeneruar 1,2 milion tonë mbeturina, ose mesatarisht 655 kilogramë në vit për çdo banor dhe më pak se mesatarja evropiane, ku industria në disa vende gjeneron edhe disa mijëra kilogramë mbeturina industriale për banor.
Enti ka theksuar se struktura e mbeturinave që vijnë nga amvisëritë tregon se në vend bëhet shumë pak ndarje e mbeturinave për riciklim dhe sic thonëe ata pjesa dërrmuese, rreth 553 mijë tonë, përbëhet nga mbeturina të përziera. Nga mbeturinat e ndara, afro 35 mijë tonë kanë qenë mbetje organike, 15,5 mijë tonë plastikë, 10 mijë tonë letër, ndërsa sasia e metaleve të grumbulluara veçmas ka qenë shumë e vogël.
Burim: Almakos, https://almakos.com/video-banoret-e-shkupit-gjenerojne-sasine-me-te-madhe-te-mbeturinave/; TV-SHENJA, https://shenja.tv/video-banoret-e-shkupit-gjenerojne-sasine-me-te-madhe-te-mbeturinave/ — Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.