Maran shpall listën dhe fton tifozët në stërvitje

Trajneri i Kombëtares, Rolando Maran, ka publikuar listën e lojtarëve për dy ndeshjet e fundit të Ligës së Kombeve. Gjatë një konference për mediat, ai ka sqaruar arsyet e zgjedhjeve të tij, duke folur edhe për mungesat e Tucit dhe Asanit.

Maran ka theksuar se ka preferuar të konfirmojë grupin e lojtarëve me të cilët ka bashkëpunuar më parë. Duke u ndalur te Tuci, trajneri u shpreh se ai mbetet një lojtar i pëlqyer dhe se dyert mbeten të hapura nëse vazhdon me paraqitje të mira, por për këtë radhë ka dashur t'i japë besim elementëve që i kanë pëlqyer në ndeshjet e kaluara.

Kombëtarja synon të ruajë fokusin te objektivi i vendit të parë, ndërsa trajneri ka bërë të ditur se ditën e hënë do të hapen dyert e stërvitjes për të gjithë mbështetësit që duan të qëndrojnë pranë skuadrës.