Maqedonci diskuton për mbrojtjen me ministrin e shtetit të Gjermanisë në Berlin

Ministri i Mbrojtjes, Ejup Maqedonci, gjatë vizitës në Konferencën e Sigurisë në Berlin është takuar me Ministrin e Shtetit në Ministrinë Federale të Punëve të Jashtme të Gjermanisë, Florian Hahn. Sipas Maqedonit, gjatë takimit janë trajtuar zhvillimet e fundit rajonale, zgjerimi i bashkëpunimit dypalësh mes Kosovës dhe Gjermanisë, si dhe ngritja e partneritetit në sektorin e mbrojtjes dhe industrisë ushtarake.

Gjatë këtij takimi është diskutuar edhe rreth avancimit të subjektivitetit ndërkombëtar të Republikës së Kosovës. «Gjatë takimit diskutuam për zhvillimet e fundit në rajon, thellimin e bashkëpunimit bilateral ndërmjet Republikës së Kosovës dhe Gjermanisë, forcimin e partneritetit në fushën e mbrojtjes dhe industrisë ushtarake, si dhe avancimin e subjektivitetit ndërkombëtar të Republikës së Kosovës», ka shkruar Maqedonci përmes një postimi në rrjetin social Facebook. Po ashtu, ministri gjerman Florian Hahn ka konfirmuar mbështetjen për proceset integruese të Kosovës dhe perspektivën euroatlantike të saj.