Manchester United shpenzon 120 milionë euro për shkarkimin e trajnerëve

Manchester United ka shpenzuar afërsisht 120 milionë euro për largimin e trajnerëve dhe zëvendësimin e tyre që nga tërheqja e Alex Ferguson në vitin 2013, sipas të dhënave të publikuara nga The Telegraph. Kjo faturë e lartë financiare përfshin dëmshpërblimet për teknikët e shkarkuar dhe stafin e tyre, kompensimet e paguara klubeve të tjera për afrimin e drejtuesve të rinj, si dhe shpenzimet e ndryshimeve drejtuese.

Siç raportoi Zhurma më 9 nëntor 2026, e ardhmja e Michael Carrick mbetet e pasigurt te Manchester Unitedi, ndërsa Mauricio Pochettino renditet si kandidati kryesor për ta pasuar Mauricio Pochettino shfaqet si favoriti kryesor për stolin e Manchester Unitedit.

Procesi i shkarkimeve nisi me David Moyes në prill të vitit 2014, i cili u largua më pak se një vit pas nënshkrimit të kontratës gjashtëvjeçare, duke i kushtuar klubit 6.2 milionë euro bashkë me stafin. Louis van Gaal përfitoi rreth 10 milionë euro pas shkarkimit në vitin 2016, ndërsa Jose Mourinho në dhjetor 2018 përfaqësoi largimin më të shtrenjtë, ku kompensimi për portugezin dhe pesë bashkëpunëtorë arriti në 23.4 milionë euro, sipas raportit financiar të klubit. Ole Gunnar Solskjaer u largua në nëntor 2021 me një kosto prej afro 12 milionë eurosh, ndërsa fatura totale e ndarjes me norvegjezin dhe trajnerin e përkohshëm Ralf Rangnick preku shifrën 29.5 milionë euro në qershor 2022. Erik ten Hag u shkarkua në tetor 2024 me një kosto prej 12.4 milionë eurosh për të dhe stafin, kurse përfshirja e shkarkimit të drejtorit sportiv Dan Ashworth e ngriti shumën në 17.3 milionë euro. Ndërkohë, United i pagoi Sportingut 11.9 milionë euro për Ruben Amorimin në nëntor 2024, kurse largimi i mundshëm i këtij të fundit me pesë bashkëpunëtorë mund të kushtojë deri në 19 milionë euro, sipas një raporti të UEFA-s.

Aktualisht, pozita e Michael Carrick po kalon nëpër një periudhë të vështirë, pasi skuadra ka siguruar vetëm një fitore në dhjetë ndeshje të Ligës Premier dhe renditet e 18-ta në tabelë. Për shkak të rezultateve negative, fati i tij do të shqyrtohet në Monako nga bashkëpronari Jim Ratcliffe, drejtori ekzekutiv Omar Berrada dhe drejtori sportiv Jason Wilcox. Mauricio Pochettino pëlqehet si pasardhës i mundshëm, por ESPN njofton se klubi do të detyrohet t'i paguajë Federatës Amerikane të Futbollit rreth 8.6 milionë euro kompensim.