Mali i Zi përballet me paralajmërime për veprimtari hibride destabilizuese

Sipas të dhënave operative të sigurisë që posedon ekzekutivi malazez, ekzistojnë plane për një organizim hibrid që synon destabilizimin e shtetit. Përmes një njoftimi në platformën X, kryeministri Milojko Spajiq ka bërë të ditur se në këto skema janë përfshirë funksionarë nga të paktën dy vende të rajonit, ndërsa pritet edhe mbështetje nga faktorë vendorë politikë dhe media të caktuara.

Kreu i Qeverisë ka theksuar se institucionet janë të njoftuara me këto synime dhe se ky kurs nuk do të ndalet nga përpjekjet e tilla. Kjo deklaratë vjen në periudhën kur pritet shqyrtimi i hapave të rinj për integrimin evropian të shtetit, ku grupi punues i Këshillit të Bashkimit Evropian për zgjerimin do të trajtojë draftet për mbylljen e katër kapitujve negociues.