Lyrical Son fton qytetarët në marshin e 12 shtatorit në Prishtinë

Reperi Lyrical Son ka bërë thirrje publike për t'iu bashkuar "Marshit për Liri", që do të mbahet më 12 shtator në sheshin "Skënderbeu" në Prishtinë. Në një video të publikuar në InstaStory, ai fton të gjithë shqiptarët, kudo që ndodhen, të marrin pjesë në këtë marsh, i cili organizohet nga platforma "Liria ka Emër" në mbështetje të ish-eprorëve të UÇK-së që po gjykohen në Hagë.

Në thirrjen e tij, Lyrical Son ka theksuar se marshimi është për "eprorët tanë që mbahen padrejtësisht në Gjykatën e Hagës", duke iu bashkuar kështu artistëve të tjerë të njohur që kanë bërë thirrje të ngjashme ditë më parë, si Yll Limani dhe Ledri Vula. Marshi vjen në prag të vendimit të Gjykatës Speciale në Hagë.