Curtis Jones i afërt me Interin
25-vjeçari hyn në vitin e fundit të kontratës — Interi synon ta mbyllë për afro 30 milionë funte.
MILANO — Mesfushori i Liverpoolit, Curtis Jones, është gjithnjë e më pranë kalimit te Interi, pasi klubi italian ka arritur përparim në negociatat për 25-vjeçarin. Sipas “TeamTalk”, Jones është i hapur për një kalim në Serie A gjatë kësaj vere.
Jones hyn në vitin e fundit të kontratës me Liverpoolin, çka e vë klubin anglez përballë dilemës: ta shesë tani ose ta humbasë si lojtar të lirë verën e vitit 2027. Mesfushori ka zhvilluar 228 ndeshje me ekipin e parë që nga debutimi në janar 2019 dhe dëshiron më shumë minuta si titullar — diçka që beson se do t'i gjejë te Interi nën trajnerin Cristian Chivu.
Trajneri i Liverpoolit, Andoni Iraola, ka shprehur publikisht dëshirën që Jones të mbetet, por e ardhmja e tij vazhdon e paqartë. Liverpooli e vlerëson kartonin e Jones me rreth 35 milionë funte, ndërsa Interi synon ta mbyllë marrëveshjen për afro 30 milionë funte. Negociatat mes dy klubeve pritet të vazhdojnë në ditët në vijim.
Burim: Epoka e Re
— Redaksia ZHURMA