Trump: Kandidatët demokratë janë njerëz të rrezikshëm

Gjatë fjalimit të tij para zgjedhjeve të ndërmjetme, Donald Trump përuroi projektin e liqenit artificial «Reflecting Pool» në Uashington, ku pasqyrohen monumentet kushtuar Abraham Lincoln-it dhe George Washington-it. Trump u lëshua në akuza të rënda kundër kundërshtarëve politikë, duke deklaruar se kandidatët e Partisë Demokratike janë njerëz të rrezikshëm që sipas tij mbështesin Vëllazërinë Myslimane, xhihadistët dhe elementë të tjerë të paimagjinueshëm. Ai gjithashtu kritikoi qëndrimet e tyre lidhur me të drejtat e personave transgjinorë dhe çështjen e imigracionit, duke i quajtur politika të tmerrshme. «Ne do ta mbrojmë vendin tonë, kulturën tonë dhe trashëgiminë tonë për brezat që do të vijnë», u shpreh ai, ndërsa shtoi se vendi nuk do të lejohet të shkatërrohet nga demokratët e dështuar pas një lufte prej 250 vitesh për ta bërë të madh. Gjatë këtij fjalimi, presidenti amerikan përmendi edhe arritjet e administratës së tij dhe pretendoi mbajtjen e të gjitha premtimeve, duke veçuar mes tyre edhe çështjen e Grenlandës.