Lionel Messi merr pjesë në ceremoninë private për lamtumirën e babait
Lionel Messi ka marrë pjesë në ceremoninë private mortore për lamtumirën e babait të tij, Jorge Messi, i cili ndërroi jetë në moshën 68-vjeçare.
BOTË — Lionel Messi i ka dhënë lamtumirën e fundit babait të tij, Jorge Messi, i cili u nda nga jeta në moshën 68-vjeçare. Ceremonia private e varrimit u mbajt në varrezat “El Prado”, në qytetin Perez, në periferi të Rosarios, në provincën Santa Fe të Argjentinës. Ngjarja u zhvillua nën masa të jashtëzakonshme sigurie dhe me pjesëmarrje të kufizuar vetëm të familjarëve, për t'u siguruar atyre privatësi në këto momente të rënda dhe të dhimbshme.
Ylli argjentinas i Inter Miamit udhëtoi nga Shtetet e Bashkuara të Amerikës me një fluturim privat, së bashku me bashkëshorten e tij, Antonela Roccuzzo, dhe fëmijët e tyre. Jorge Messi ka qenë jo vetëm mbështetja e madhe emocionale dhe futbollistike e të birit ndër vite, por edhe agjenti i tij. Vdekja e tij ka prekur thellë opinionin publik, ndërsa familja oneroi kujtimin e tij në një rreth të ngushtë familjar në vendlindje.
