Ledri Vula kapet mat me Bebe Rexhën në dasmë

Reperi i njohur Ledri Vula ka qenë pjesë e një dasme, ku përveç prezencës si mysafir, ai u kujdes edhe për atmosferën festive me performancën e tij muzikore. Ledri interpretoi disa nga këngët e tij për të pranishmit, duke e shndërruar festën në një moment edhe më të veçantë për të ftuarit.

Pamje nga kjo ngjarje reperi ka ndarë edhe me ndjekësit e tij në rrjetet sociale. Përmes disa fotografive dhe videove të publikuara në Instagram, Ledri ka sjellë momente nga atmosfera e dasmës, ku shihet edhe pranë Bebe Rexhës. Pjesëmarrja e dy artistëve në të njëjtën ngjarje ka tërhequr vëmendjen e publikut, duke qenë se të dy janë emra të njohur në skenën muzikore, ndonëse kanë karriera të zhvilluara në tregje të ndryshme muzikore.