Latifi: Plani i BIA-s në telefonin e Shehollit dëshmon projektin serb për arabizim

Analisti politik dhe profesori Blerim Latifi ka reaguar pas publikimit të informatave nga dosja për spiunazh ndaj Fatmir Shehollit. Ai tha se plani i madh i BIA-s, i cili pretendohet se është gjetur në telefonin e Shehollit, lidhet me atë që ai e ka paralajmëruar ndër vite për radikalizmin islamik në Kosovë.

Latifi deklaroi se ky plan konfirmon se radikalizmi islamik në Kosovë është projekt i Serbisë për shkatërrimin e Kosovës përmes arabizimit të shoqërisë kosovare. Ai shtoi se plani, i marrë nga dosja e prokurorisë dhe i botuar në media, përfshin investimin e fondeve nga ambasadat islamike në Beograd për ndërtimin e xhamive në vende të dukshme dhe shtrirjen e shkollave islamike në të gjithë vendin.

Në reagimin e tij, Latifi përmendi se udhëheqësit e bashkësive islamike të Serbisë, Maqedonisë, Bosnjës dhe Kosovës janë nën kontrollin e tyre dhe po punojnë për të inkuadruar njerëz me kombësi shqiptare me ndikim në sport, media, muzikë dhe politikë.