Latifi: Kontratë e re për furnizim me pelet në Rahovec
Komuna e Rahovecit siguron 350 tonë pelet për sezonin e dimrit, me vlerë 140 mijë euro.
Redaksia ZHURMA · · 1 min lexim
RAHOVEC — Kryetari i Komunës së Rahovecit, Smajl Latifi, ka njoftuar opinionin se ka nënshkruar marrëveshjen për sigurimin e lëndës djegëse për institucionet lokale. Përmes një njoftimi publik në rrjetin social, ai bëri të ditur se blerja përfshin sasinë prej 350 tonësh pelet, ndërsa çmimi i kontraktuar është 400 euro për një ton.
Sipas llogaritjeve nga çmimi i bërë i ditur, vlera e përgjithshme e këtij furnizimi arrin shifrën prej 140 mijë eurosh. Kryetari i komunës që njihet si kryeqendra shekullore e verës kosovare theksoi se veprimi është ndërmarrë për t'u përgatitur me kohë ndaj sezonit të ftohtë. «Dimrit i paraprijmë me kohë, me planifikim dhe me përgjegjësi», ka shkruar ai ndër të tjera.
