Ulsi Manja: Cilin deputet e ofendoi si 'legen' në Komision?
Ulsi Manja ka ofenduar deputetin e PD-së, Ivi Kaso, gjatë një mbledhjeje të tensionuar ku po raportohej për krimet zgjedhore.
TIRANË — Komisioni për Reformën Zgjedhore është përfshirë nga tensione të ashpra mes përfaqësuesve të Partisë Socialiste dhe atyre të Partisë Demokratike. Gjatë kohës kur Klodian Braho po raportonte për krimet zgjedhore, një përplasje e fortë verbale ka ndodhur mes Ulsi Manjës dhe deputetit të PD-së, Ivi Kaso.
Manja ka përdorur fjalë fyese ndaj Kasos, duke i thirrur “legen” dhe duke i kërkuar të mbyllë gojën pasi, sipas tij, e ka dëgjuar fort. Ai kërkoi që mbledhja t'i kthehej normalitetit, duke u shprehur se deputetët shkojnë në komision vetëm për të bërë gjyqe.
Situatën u mundua ta qetësojë Damian Gjiknuri, i cili kërkoi ndjesë për fyerjet dhe kërkoi fokusim te tema e thirrur. Ai vuri në dukje dallimin me komisionin e ligjeve, ku ngrihet çdo pyetje, duke kujtuar se aty po raportohej specifikisht për krimet zgjedhore.
Burim: Shqiptarja
— Redaksia ZHURMA