Kush bllokon rrugët e Ferizajt këtë javë?

FERIZAJ — Kampionati i Kosovës në Çiklizëm 2026 do të mbyllë përkohësisht segmente rrugore në Ferizaj sot më 24 qershor dhe të enjten më 25 qershor. Gara zhvillohet në dy ditë me formate të ndryshme.

Dita e parë, Kronometër Individual (ITT), nis në orën 10:00 në itinerarin Ferizaj – HIB Petrol (Bibaj) – Babush, përgjatë autostradës "Arbër Xhaferi", me kthim në të njëjtin drejtim. Përfundimi është paraparë rreth orës 12:00.

Dita e dytë, Gara në rrugë (Road Race), starton po në orën 10:00 me itinerar Ferizaj (Bibaj) – Hani i Elezit – Ferizaj – Trudë, gjatësi 100 kilometra, me përfundim të planifikuar rreth orës 13:00 në Trudë. Autoritetet i kanë bërë thirrje qytetarëve të planifikojnë lëvizjet me kohë dhe të respektojnë udhëzimet e Policisë së Kosovës dhe sinjalizimin e garës.

Burim: Sinjali
— Redaksia ZHURMA