Kryeministri Kurti pranon urime nga homologët e Belgjikës dhe Sllovenisë

Kryeministri i Republikës së Kosovës, Albin Kurti, ka pranuar letër urimi për mandatin e ri nga kryeministri i Mbretërisë së Belgjikës, Bart De Wever, i cili ka vlerësuar kontaktet politike ndërmjet dy qeverive. Në letrën e tij, kryeministri belg ka përmendur takimin e mëparshëm në New York dhe vizitën e ministrit të Punëve të Jashtme, z. Prévot, në Prishtinë, duke shtuar se shkëmbyesit e tillë reflektojnë marrëdhëniet e shkëlqyera. De Wever ka shprehur gatishmërinë për zgjerimin e bashkëpunimit në fushat e policisë, gjyqësisë, mbrojtjes, burgjeve dhe ekonomisë, si dhe luftimin e krimit të organizuar, duke u mbështetur edhe te diaspora.

Ndërkohë, urim për mandatin e ri ka dërguar edhe kryeministri i Republikës së Sllovenisë, Janez Jansa, i cili ka shprehur besimin e palëkundur se partneriteti dhe marrëdhëniet miqësore do të vazhdojnë të forcohen. Jansa ka ofruar mbështetje dhe ndihmë në procesin e integrimit evropian, duke theksuar se Kosova mund të llogarisë në ndihmën e plotë të shtetit slloven në këtë fushë.