Ku u arrestuan shtatë personat me lëndë narkotike?
Ministria e Punëve të Brendshme njoftoi se gjatë 24 orëve të fundit ka prangosur shtatë të rinj në disa lagje të Shkupit dhe në rrethinën e Gostivarit.
SHKUP — Ministria e Punëve të Brendshme ka arrestuar shtatë persona gjatë një aksioni intensiv 24-orësh në rajone të ndryshme të vendit për posedim droge. Operacioni u shtri kryesisht në kryeqytet dhe në rrethinën e Gostivarit, duke çuar në sekuestrimin e substancave narkotike.
Në zonën e Bit Pazarit në Shkup, nëpunësit policorë arrestuan tre persona: F.S. (21), H.A. (25) dhe E.O. (22). Gjatë kontrolleve të ndryshme gjatë ditës dhe natës, atyre iu gjet dhe iu sekuestrua marihuanë, duke u shoqëruar menjëherë në stacionin policor.
Arrestime të tjera u kryen në Karposh, ku M.R. (23) iu gjet substancë pluhur, dhe në Gazi Babë ku S.R. (29) u kap me marihuanë. Në Qendër të Shkupit, policia ndaloi A.Ç. (22) pasi tek ai u zbulua një substancë e bardhë e ngurtë.
Së fundmi, në Pallçisht të Gostivarit u arrestua 21-vjeçari L.S., i cili hodhi një paketim marihuane kur pikasi policët. Autoritetet e MPB-së njoftuan se ndaj të gjithë të dyshuarve do të ngrihen procedurat përkatëse pas dokumentimit të plotë të rasteve.
Burim: Telegrafi
— Redaksia ZHURMA