KSHZ miraton konkluzion për raundin e dytë në Bërvenicë
Stojanço Radiçevski dhe Arkin Jahiji do të përballen më 1 nëntor në rrethin e dytë të zgjedhjeve për kryetar të komunës së Bërvenicës.
Redaksia ZHURMA · · 1 min lexim
Komisioni Shtetëror i Zgjedhjeve (KSHZ) miratoi njëzëri konkluzionin për finalizimin e rezultateve nga rrethi i parë i zgjedhjeve të parakohshme për kryetar të Komunës së Bërvenicës. Kryetari i KSHZ-së, Bojan Mariçiq, informoi se kanë skaduar të dy afatet për parashtrimin e ankesave, ndërsa nuk është paraqitur asnjë ankesë. Sipas konkluzionit, rrethi i dytë do të mbahet më 1 nëntor, ku do të përballen Stojanço Radiçevski nga VMRO-DPMNE dhe Arkin Jahiji nga Aleanca Kombëtare për Integrim.
Sipas KSHZ-së, Radiçevski ka fituar 2.945 vota, ndërsa Jahiji 2.152 vota. Zgjedhjet u mbajtën pas vdekjes së kryetarit të mëparshëm, Jovica Ilievski, më 23 qershor 2026.
