20-vjeçari vritet me kallashnikov në Korçë, autori në kërkim
Policia zbuloi emrin dhe foton e Kristjan Sterjos; viktima, ish-ushtar i Forcave të Armatosura, u vra në shkallët e katit të tretë.
KORÇË — Kristjan Sterjo është në kërkim si autori i dyshuar i vrasjes me kallashnikov të 20-vjeçarit Johan Zuko, pasditen e sotme në lagjen nr. 14. Forcat RENEA dhe forca të shumta policie rrethuan banesën e tij, por autori vijon të jetë në arrati, raporton ABC News.
Konflikti mes dy grupe personash nisi në lagjen nr. 15; autori e ndoqi viktimën me kallashnikov në dorë, derisa ajo u fut në një pallat për t'u fshehur. Viktima mbante një thikë në dorë, por Sterjo e ndoqi këmbë-këmbës dhe e qëlloi në shkallët e katit të tretë, rreth orës 16:30. Dëshmitarët e panë duke u larguar drejt varrezave.
Zuko ishte mobilizuar si ushtar me rrogë në Forcat e Armatosura prej më shumë se një viti dhe vetëm dy muaj më parë kishte lënë detyrën, pasi do të shkonte te i vëllai në Angli. Sipas ABC News, viktima dhe Sterjo ishin shokë të rritur bashkë, e mes tyre kishte pasur konflikt. Policia ka intensifikuar kontrollet për lokalizimin dhe kapjen e autorit.
Burim: Syri.net
— Redaksia ZHURMA
