KPK-ja nuk e miraton raportin e Isufajt për punën e PSRK-së

Këshilli Prokurorial i Kosovës (KPK), pas përfundimit të raportimit të kryeprokurorit të Prokurorisë Speciale të Republikës së Kosovës, Blerim Isufajt, ka refuzuar miratimin e raportit të punës për këtë prokurori për vitin 2025.

Anëtarët e KPK-së, me katër vota kundër, nuk e miratuan këtë raport. Paraprakisht, anëtari Visar Krasniqi deklaroi se në pyetjet që ka paraqitur ndaj kryeprokurorit Isufaj nuk ka gjetur përgjigje, sidomos te pjesa e zbatimit për ndarjen elektronike të lëndëve, duke paralajmëruar se do të njoftojë Kryeprokurorin e Shtetit. Kundër votuan edhe Dardan Vuniqi, Elza Bajrami-Kastrati dhe Arlinda Muqa.

Ndërkaq, për miratim votuan kryesuesi Arian Gashi, kryeprokurori i Shtetit Zejnullag Gashi dhe anëtari Milot Krasniqi. Kryesuesi Gashi njoftoi se bazuar në rregullore, raporti i kthehet Isufajt pasi nuk mori miratimin në Këshill, kurse Sekretariati i KPK-së do të obligohet për pjesën që duhet të publikohet në ueb-faqe.

Burimet: Zëri; Gazeta Blic; Gazeta Metro; Lajmi.net; Veriu.info (klaster 6 outlets).