Sa kosovarë u arrestuan në kufirin me Serbinë për 8 vite?
Osman Selmani u ndal në Mutivodë, ndërsa veteranët kërkojnë që mërgimtarët ta shmangin këtë rrugë.
MUTIVODË — Me një korrik u arrestua Osman Selmani në pikëkalimin kufitar në Mutivodë. Për të u caktuan 30 ditë paraburgim me akuza pothuajse të njëjta që përdor Serbia ndaj kosovarëve për tetë vite. Ndonëse ky i fundit nuk ishte as ushtar i UÇK-së siç deklaruan institucionet atje, Organizata e Veteranëve të Luftës sqaroi se Selmani nuk rezulton të ketë qenë pjesë e UÇK-së.
Në tetë vite, Serbia i ndaloi 15 kosovarë me akuza pothuajse të njëjta. Gazmend Syla, nënkryetar i OVL-UÇK-së, thotë se qasja e Serbisë ndaj kosovarëve s'ka ndryshuar ndër vite. Veteranët bëjnë thirrje për të gjithë bashkëatdhetarëve që ta shmangin këtë rrugë, sidomos gjatë korrikut e gushtit kur numri i mërgimtarëve rritet dukshëm.
Sipas ekspertit të sigurisë Drizan Shala, migrantët kosovarë mund të jenë cak i veçantë i shtetit të Serbisë. Strukturat e sigurisë të Serbisë kanë mbledhur të dhëna për persona që kanë kaluar më herët në territorin e Serbisë dhe kanë krijuar dosjet e tyre.
Televizioni ka kërkuar të marrë një qëndrim edhe nga Ministria e Punëve të Jashtme dhe Diasporës lidhur me këtë çështje, por ata nuk kanë kthyer përgjigje.
Burim: IndeksOnline
— Redaksia ZHURMA