Kosovarit i vidhen 8 mijë euro në pushim në autostradën M5 të Hungarisë

BUDAPEST — Një shtetas i Kosovës me inicialet D.R. ka rënë pre e një vjedhjeje gjatë udhëtimit të tij në Hungari, në autostradën M5. Ai ishte ndalur në zonën e dedikuar për pushim për të bërë një gjumë të shkurtër, kur persona të panjohur i hynë në veturë dhe i morën sendet me vlerë.

Hajnat arritën të marrin çantën e dorës ku ndodheshin rreth 8 mijë euro para të gatshme, letërnjoftimi, pasaporta dhe kartelat bankare të viktimës.

Pas incidentit, D.R. njoftoi menjëherë policinë hungareze dhe Ambasadën e Kosovës në Budapest. Ai tha se policia iu përgjigj menjëherë, mori shenjat e gishtërinjve nga dera e veturës dhe pamjet nga kamerat e sigurisë. Ambasada e Kosovës i rregulloi dokumentet e udhëtimit që ai të kthehej në Kosovë.

Autoritetet hungareze kanë nisur hetimet dhe janë siguruar me prova nga vendi i ngjarjes. Viktima i bëri thirrje bashkatdhetarëve që kalojnë nëpër këtë segment të autostradës M5 të tregojnë kujdes të shtuar gjatë ndalesave, duke mos lënë sende me vlerë në vende të dukshme dhe duke siguruar automjetet.

Burim: Zëri, http://www.zeri.info/kronika/626238/u-ndal-per-te-pushuar-ne-autostraden-hungareze-kosovarit-i-vidhen-8-mije-euro-dhe-dokumentet-personale/
— Redaksia ZHURMA