Sport
KOS
Kosova U18 renditet e treta në Evropianin e Divizionit C
Kosova mposhti Gjeorgjinë 74:58 në ndeshjen për vendin e tretë
Redaksia ZHURMA
02:53
Përditësuar 04:25
1 min lexim
PRISHTINË — Basketbollistet e reja të Kosovës janë renditur në vendin e treta në Kampionatin Evropian U18 të Divizionit C, që u mbajt në Pejë. Në ndeshje për vend të tretë, Kosova të dielën e mposhti Gjeorgjinë me rezultatin 74:58.
Jeta Muzliukaj dhe Malvina Haziri u dalluan te Kosova. Muzliukaj i kishte 17 pikë e shtatë kërcime, ndërsa Haziri ndeshjen e përfundoi me 25 pikë e pesë kërcime.
Në fazën grupore, basketbollistet e Kosovës U18 fituan ndaj Gjeorgjisë, Gjibraltarit dhe Armenisë. Por të shtunën dështuan në gjysmëfinale, duke pësuar 49:48 nga Malta. Kështu synimi për ta fituar Evropianin C nuk u arrit.
Burim: Koha.net, Bota Sot
— Redaksia ZHURMA