Kosova radhitet e katërta në Evropë për rritjen e turizmit
Kosova shënon rritje të ndjeshme të net-qëndrimeve turistike, duke u renditur ndër vendet me zgjerimin më të madh në Evropë.
Redaksia ZHURMA · · 1 min lexim
Kosova renditet e katërta në Evropë për rritjen e net-qëndrimeve turistike gjatë gjashtëmujorit, duke shënuar një zgjerim prej 5.9 për qind, ku 4.5 për qind i takon turizmit të brendshëm dhe 7.1 për qind atij ndërkombëtar, sipas të dhënave të Eurostat. Në tremujorin e dytë, vendi ka kaluar Shqipërinë për rritjen e net-qëndrimeve nga turistët e huaj, me 17.7 për qind më shumë në raport me periudhën e njëjtë të vitit paraprak.
Ky zhvillim vjen në vazhdën e raporteve për lëvizjet e bujtinave dhe turizmit në rajon, ndërkohë që Shqipëria ka humbur kurorën e rritjes më të shpejtë në Evropë për periudhën janar-qershor. Për të njëjtën periudhë, në Kosovë u regjistruan afër 800 mijë net-qëndrime turistike.
