Kosova mposht Serbinë në golf — 2-1 në Maltë
Fitore historike në arenën evropiane me rezultat 2-1
VALETË — Kosova ka shënuar një fitore të madhe në skenën ndërkombëtare të golfit, duke mposhtur Serbinë me rezultat 2-1 në kuadër të garës "European Men’s Team Shield 2026". Ndeshja e zhvilluar në Royal Malta Golf Club u karakterizua me rivalitet të fortë dhe performancë të lartë nga ekipi i Kosovës, të cilët arritën të triumfojnë pas një paraqitjeje met disiplinë dhe vendosmëri deri në fund.
Federata e Golfit e Kosovës e ka cilësuar këtë sukses si një arritje të rëndësishme për sportin e golfit në vend, duke theksuar se ekipi dëshmoi cilësi, përkushtim dhe besim në vetvete në çdo moment të garës. "Një fitore e madhe, e merituar dhe plot karakter! Një histori e posa filluar! Djemtë tanë treguan zemër, disiplinë dhe cilësi, duke luftuar deri në fund për çdo pikë", shkroi federata.
Kjo fitore konsiderohet si një hap i rëndësishëm drejt rrugës ndërkombëtare të Kosovës në këtë sport, i cili vitet e fundit po shënon rritje të vazhdueshme dhe pjesëmarrje në gara evropiane.
Burim: RTV21 — Redaksia ZHURMA