Kosova merr flamurin për Prishtina 2030 pas rekordit të medaljeve
Kosova ka mbyllur Lojërat Mesdhetare Taranto 2026 me nëntë medalje dhe sot pritet të marrë flamurin si nikoqire e edicionit të ardhshëm.
Redaksia ZHURMA · · Përditësuar · 1 min lexim
PRISHTINË — Republika e Kosovës ka përmbyllur pjesëmarrjen në Lojërat Mesdhetare “Taranto 2026” me nëntë medalje, duke vendosur rekord të ri në historinë e pjesëmarrjes së saj në këto gara, ndërkohë që sot gjatë ceremonisë së mbylljes do të marrë zyrtarisht flamurin për edicionin e ardhshëm “Prishtina 2030”.
Bilanci i Kosovës në këtë edicion përfshin dy medalje të arta, tri të argjendta dhe katër të bronzta. Medaljet e arta u fituan nga boksierja Donjeta Sadiku dhe karateisti Islam Selmani, ndërsa në mesin e medalistëve janë edhe xhudistët Laura Fazliu, Akil Gjakova, Shpati Zekaj, Fatjona Kasapi e Flaka Loxha, si dhe peshëngritësi Kianoush Rostami.
Kujtojmë se gjatë kësaj ngjarjeje, karateisti nga Kosova kishte fituar më parë medaljen e artë, duke i paraprirë këtij suksesi historik të delegacionit kosovar në Itali. Gjatë ceremonisë së sotme, flamuri do t’i dorëzohet Kosovës, e cila do të jetë nikoqire e Lojërave Mesdhetare në vitin 2030.
