Kosova heq flamurin ukrainas pas deklaratës së Zelenskyt
Përderisa ukrainasi qëndron kundër pavarësisë, Prishtina heq flamurin me mbishkrimin ‘Liri për Ukrainën’.
PRISHTINË — Komuna e Prishtinës ka larguar një flamur me mbishkrimin “Free Ukraine” (Liri për Ukrainën) pas deklaratës së presidentit ukrainas, Volodymyr Zelensky, një ditë më parë në Beograd se qëndrimi i Kievit zyrtar për mosnjohjen e pavarësisë së Kosovës nuk ka ndryshuar.
Kryetari i Prishtinës, Përparim Rama, tha: “Shteti i Kosovës duhet të respektohet. Kur Kosova nuk respektohet, kryeqyteti, Prishtina përgjigjet gjithmonë njësoj.”
Po ashtu, Ministria për Evropën dhe Punët e Jashtme e Shqipërisë reagoi pas deklaratës së Zelenskyt gjatë vizitës në Serbi, duke theksuar se Tirana qëndron fuqishëm në mbështetje të Kosovës dhe se nuk ka asnjë paralelizëm mes Kosovës dhe Ukrainës.
Burimet: BoldNews, Report Tv, ABC News Art, Ekonomia Online