Vazhdo leximin
⌕ ☆
Ekonomi

Kosova dhe Shqipëria në fund të Ballkanit për fuqinë blerëse të pensioneve

Pensioneve në Kosovë dhe Shqipëri u mbetet vetëm një e pesta e fuqisë blerëse krahasuar me mesataren e Bashkimit Evropian.

Redaksia ZHURMA · · 1 min lexim

Kosova dhe Shqipëria renditen në fund të gjashtë ekonomive të Ballkanit Perëndimor për fuqinë blerëse të pensioneve, sipas të dhënave të projektit Converge2EU të Institutit të Vjenës për Studime Ekonomike Ndërkombëtare. Me pensionin mesatar neto në Kosovë mund të bliheshin rreth një e pesta e mallrave dhe shërbimeve të BE-së, ndërsa në Shqipëri fuqia blerëse arrinte në 19 % të mesatares evropiane. Krahasimi mat sasinë e mallrave që mund të blihen dhe jo shumën që pensionistët marrin në llogari, duke llogaritur gjithashtu dallimet në çmime.

Kosova dhe Shqipëria në fund të Ballkanit për fuqinë blerëse të pensioneve
Foto: epokaere.com

Mali i Zi kryeson listën rajonale me 58 %, i ndjekur nga Maqedonia e Veriut me 52 %, Serbia me 44 % dhe Bosnja e Hercegovina me 42 %. Të dyja vendet e fundit në renditje ngushtuan hendekun me Bashkimin Evropian me nga 1,3 pikë përqindjeje krahasuar me një vit më parë, ndërsa përmirësimin më të madh në rajon e shënoi Mali i Zi me 11,6 pikë.

Lexo edhe

Më shumë →
Facebook WhatsApp X
Gjeni një gabim? Na shkruani dhe e korrigjojmë
LIVE Bregu i Diellit 1 Prishtinë 25 kamera →

Koleksione · të dhëna të verifikuara

Vazhdo me më të lexuarat sot

Si e bëjmë listën

Përditësuar

Pyet Zhurmën
Shërbime, enciklopedi dhe lajme